"Манчестер Юнайтед" ярим ҳимоячиси Бруну Фернандеш "Ал-Ҳилол" президенти билан суҳбати ҳақида гапирди. Аввалроқ, португалиялик "қизил иблислар" у билан хайрлашишни истаса, кетишга тайёр бўлишини айтганди.
"Мен "Ал-Ҳилол" президенти билан суҳбатлашганимда, унга: "Мен ҳеч қачон кетиш ҳақида ўйламаганман. Қўнғироғингизни қадрлайман, лекин клуб билан гаплашишингиз керак. Чунки ҳар доим айтганман, агар клуб мени сотишни истамаса, унда ўйлайдиган ҳеч нарсам йўқ - мен қолишни хоҳладим", деганман," - дея Фернандешнинг сўзларини келтиради The Sydney Morning Herald.
Бруну Фернандеш 2020 йилнинг январь ойи охиридан бери "Манчестер Юнайтед" шарафини ҳимоя қилмоқда. Ўшандан бери португалиялик 290 та ўйин ўтказиб, 98 та гол урди ва шерикларига 86 та голли узатмани амалга оширди.
