АПЛ ижрочи директори Ричард Мастерс Англия чемпионати ўйинлари бошқа мамлакатларда ўтказилиши мумкинлиги ҳақида фикр билдирди.
"Ўйинларни хорижда ўтказиш бўйича ҳеч қандай режамиз йўқ. Бу ҳатто менинг кирувчи ҳужжатлар жилдимда ҳам йўқ ва бу бизнинг столимизда муҳокама қилинмайди," - дея функционернинг сўзларини келтиради BBC.
Бундай ғоялар биринчи марта маҳаллий футбол раҳбарияти томонидан 2008 йилда кўтарилган, бироқ ОАВ ва мухлислар танқидидан сўнг улардан воз кечишга қарор қилинган.
Аввалроқ Италия ва Испания футбол федерациялари ўз миллий чемпионатларининг бир нечта ўйинларини Австралия ва АҚШда ўтказишни режалаштираётгани ҳақида хабар берилганди.
