"Ливерпуль" ҳужумчиси Уго Экитике Англия Премьер-лигасидаги дебют ўйинидан кейин ўз фикрларини билдириб ўтди.
Француз биринчи турда "Борнмут"га қарши ўйиннинг 37-дақиқасида гол урган бўлса, иккинчи бўлим бошида Коди Гакпога ассистентлик қилди ва АПЛдаги дебют ўйинида гол ва ассистентлик қилган "Ливерпуль" тарихидаги иккинчи футболчига айланди. Баҳс Арне Слот жамоасининг 4:2 ҳисобидаги ғалабаси билан якунланди.
"Яхши ўйин, лекин бундан ҳам яхшироқ ўйнашим мумкин эди. Энг муҳими - биз характер кўрсатиб, ғалаба қозондик. Биз бугун бизни қўллаб-қувватлаш учун келган мухлисларимиз ва Диогу учун ғалаба қозонишни хоҳладик. Биз ўз мақсадимизга эришдик ва буни истаган барча учун хурсандман," - деди "қизиллар"нинг янги футболчиси Sky Sports’га берган интервьюсида.
