"Барселона" Испания чемпионати 1-туридан ўрин олган "Мальорка"га қарши ўйин олдидан дарвозабон Жоан Гарсияни рўйхатдан ўтказишга улгурди.
Ла Лига расмий сайти ёзда "Эспаньол"дан "кўк-анорранглилар" сафига ўтган дарвозабоннинг рўйхатдан ўтганини тасдиқлади. "Мальорка" билан ўйин бугун Тошкент вақти билан соат 22:30да бошланади.
Жоан Гарсия трансфери "Барселона"га 25 млн еврога тушган. Ўтган мавсумда 24 ёшли футболчи "Эспаньол" сафида чемпионатдаги 38 та ўйиннинг барчасида майдонга тушиб, 51 та гол ўтказиб юборган ва 8 марта дарвозани дахлсиз сақлаб қолган.
