"Лос-Анжелес Гэлакси" бош мураббийи Грег Вэнни "Интер Майами" ҳужумчиси Лионель Месси ҳақида фикр билдирди.

Аргентиналик футболчи жароҳатидан фориғ бўлди ва жамоаларнинг МЛС доирасидаги навбатдаги ўйинида майдонга тушиши мумкин бўлади.

"Месси майдондаги вазиятни доимий равишда ўрганиб, қаерда ва қандай қилиб сизни жазолаш кераклигини, қачон ўйин темпини ўзгартириш яхшироқ эканини ҳисоблаб чиқади. У жуда ақлли. Сенинг эътиборсизлигингни пайқаб, у дарҳол қочиб кетади ва жазолайди," - дея Вэннининг ўйиндан олдинги интервьюсидан иқтибос келтиради Inter Miami News Hub.