Жейдон Санчо "Манчестер Юнайтед"дан "Рома"га ўтиши мумкин.
Инсайдер Фабрицио Романонинг сўзларига кўра, А Серия клуби ҳозирда Санчодан якуний жавоб кутмоқда. Футболчи шартнома бўйича таклиф олган.
Аввалроқ, "Рома" 25 ёшли Санчони 20 миллион фунт (тахминан 23 миллион евро) эвазига сотиб олиш имконияти билан ижарага олиши мумкинлиги ҳақида хабар берилганди. Жейдон Санчо "Манчестер Юнайтед" бош мураббийи Рубен Аморимнинг режаларига киритилмаган.
Ўтган мавсумда вингер "Челси"да ижара асосида ўйнади, аммо лондонликлар футболчини сотиб олишмади.
Италия чемпионатининг 1-турида “Рома” “Болонья”га қарши баҳс олиб боради. Учрашув 23 август, шанба куни бўлиб ўтади.
