"Бавария" футболчиси Луис Диас жамоадоши Харри Кейн ҳақида фикр билдирди.
Шанба куни колумбиялик ва англиялик футболчилар Мюнхен грандига Германия Суперкубогида ғалаба қозонишга ёрдам беришди - финалда "Штутгарт" 2:1 ҳисобида мағлуб этилди. 18-дақиқада Кейн Венсан Компани жамоасини ҳисобда олдинга олиб чиққан бўлса, 77-дақиқада Диас ҳисобдаги фарқни оширди.
"Кейн билан бир жамоада ўйнаш - бу ўзига хос нарса, у феномен. У билан ўйнаш жуда осон, унинг маҳорати ақл бовар қилмайди. Бу имтиёз," - дея Диаснинг сўзларини келтиради Bayern & Germany.
28 ёшли вингер ўтган ой охирида "Бавария" томонидан "Ливерпуль"дан сотиб олинган эди. Кейн клубга 2023 йилда "Тоттенхэм"дан кўчиб ўтган.
