Италиялик машҳур мутахассис Фабио Капелло Миланнинг "Интер" клуби истиқболлари ҳақида фикр билдирди. Келаётган мавсумда клуб бош мураббийи ўзгарди, Симоне Индзагининг ўрнини ўтмишда "Интер"да тўп тепган руминиялик мутахассис Кристиан Киву эгаллади.
"Албатта, нимадир ўзгариши керак. Мен Кивуни яхши биламан, у билан ишлаганмиз. У - ақлли йигит, лекин менимча, "Интер"да трансфер бозорида муаммолар бўлган. Лукман, Леони, ҳозир Коне - ғоялар тўғри, лекин натижа йўқ. Кўрамиз, Мароттада ҳали вақт бор," - дея Капеллонинг сўзларини келтиради fcinter1908.it.
А Сериянинг янги мавсуми бошланган ҳафта охирида старт олади.
