Лондоннинг "Арсенал" клуби барча мусобақаларда "МЮ" билан ўзаро ўйинлардаги голли сериясини 10 тага етказди. 17 август куни Англия Премьер-лигасининг 1-турида "канонирлар" сафарда "Манчестер Юнайтед" меҳмони бўлиб, ўйиннинг 13-дақиқасида ҳимоячи Риккардо Калафьорининг голи эвазига 1:0 ҳисобида ғалаба қозонди.
"Арсенал" ва "МЮ" ўртасидаги расмий ўйинда лондонликлар рақиб дарвозасини ишғол қила олмагани сўнгги бор 2021 йилнинг 30 январида бўлиб ўтган, ўшанда "тўпчилар" АПЛ-2020/2021 21-турида ўз майдонида 0:0 ҳисобида дуранг қайд этганди. Шундан сўнг, "канонирлар" манкунианликларга доимий равишда камида 1 та гол уриб келишмоқда - уч марта учтадан гол, икки марта иккитадан ва беш марта биттадан гол.
