Гонгконгда Саудия Арабистони Суперкубоги ярим финали доирасидаги "Ан-Наср" - "Ал-Иттиҳод" учрашуви бўлиб ўтди. Баҳсда риёдликлар 2:1 ҳисобида ғалаба қозонди.
Ўйинда 10-дақиқада Садио Мане ҳисобни очди. 16-дақиқада Стивен Бергвейн мувозанатни тиклади. 25-дақиқада сенегаллик юлдуз жиддаликлар дарвозабони қорнини босгани учун майдондан четлатилди.
Иккинчи бўлимнинг 61-дақиқасида Криштиану Роналду дарвозабон билан бирга-бир ҳолатига чиқиб борди ва ёнида турган Жоау Феликсга тўпни узатди, португалиялик юлдуз бўш дарвозани ишғол қилиб, риёдликларга финал йўлланмасини келтирган гол муаллифи бўлди.
Эртага иккинчи ярим финалда "Ал-Аҳли" "Ал-Қодисия" билан тўқнаш келади.
