Луиш Фигу янги мавсумда "Реал Мадрид" олдида турган қийинчиликларни айтиб ўтди.
"Ўйлайманки, клуб одатдагидек бундай вазиятларда, аввалгидек мавсумдан сўнг, ўзига керакли деб ҳисоблаган позицияларни мустаҳкамлаш учун ўзини кучайтиришга ҳаракат қилади. Сўнгги йилларда жуда муҳим бўлган Модричнинг кетиши жамоага қандай таъсир қилишини ҳам кўришимиз керак.
Лекин, албатта, мақсад "Барселона"ни мағлуб этиш ва яна чемпионатда, қолаверса, қолган мусобақаларда ғолиб чиқиш” - деди "Реал" ва "Барселона"нинг собиқ футболчиси.
Фигунинг қўшимча қилишича, у Мадрид жамоасининг ўтган мавсумдаги муваффақиятсизликларини мотивацион муаммолар билан боғламайди.
"Ўйинчиларга чанқоқлик етишмади деб ўйлайман. "Мадрид"да ўйнаганингизда, барча совринларни қўлга киритиш учун ҳаракат қилаётганингизни ва унвонларни қўлга киритиб, қолганларидан яхшироқ бўлиш учун мотивация, иштиёқ ва иш одобига эга бўлишингиз кераклигини билишингиз керак", - дея таъкидлади португалиялик собиқ футболчи.
