"Ливерпуль"нинг юлдуз ҳужумчиси Муҳаммад Салоҳ мерсисайдликлар билан ҳамкорликни узайтиришга қарор қилганига изоҳ берди.

"Менда ҳали ҳам ғалабаларга очлик бор. Шунинг учун жамоада қолишга қарор қилдим. Бундай юқори савияда чиқиш ажойиб. 33 ёшимда жамоага ёрдам бера олишимни ҳис қиляпман. Бу борада ўзим билан фахрланаман," - дея мисрлик ҳужумчининг сўзларини келтиради Мерсисайд топ-клуби матбуот хизмати.

Муҳаммад Англия Премьер-лигасининг ўтган мавсумида 38 та ўйинда иштирок этган. Мисрлик футболчи ўз ҳисобига 29 та гол (9 таси пенальтидан) ва 18 та голли узатмани ёздириб қўйган.