"Фенербахче" бош мураббийи Жозе Моуриньо Чемпионлар лигаси плей-офф босқичи 1-туридан ўрин олган "Бенфика"га қарши ўйинга баҳо берди.
"Биз дуранг ўйнамоқчи бўлган жамоага қарши ўйнадик. "Бенфика" ҳам буни уддалади. Рақиб бешта ҳимоячи бўлиб ўйнаб, стратегик жиҳатдан керакли натижага эришди. Уларнинг ҳимоявий услубига ҳеч қандай қаршилигим йўқ ва бунинг учун танқид қилмоқчи эмасман. Бир пайтлар ўзим ҳам "Барселона"га қарши ҳимояда ўн кишидан фойдаланганман", - деди португалиялик мутахассис.
Эслатиб ўтамиз, "Фенербахче" ва "Бенфика" 0:0 ҳисобида дуранг ўйнади.
