"Барселона"нинг франциялик ҳимоячиси Жюль Кунде жамоанинг Чемпионлар лигасининг ўтган мавсумидаги ўйини ҳақида фикр билдирди.
"Барселона"нинг ғалаба қозона олмагани муваффақиятсизлик эмас, аммо, албатта, бизнинг мақсадимиз - ғалаба. Бу энг катта иштиёқ уйғотадиган ва жуда муҳим аҳамиятга эга турнир. Биз ҳаммамиз ғалаба ҳақида орзу қиламиз," - деди Кунде клуб ТВ эфирида.
Эслатиб ўтамиз, "Барселона" ўтган мавсумда Чемпионлар лигасининг умумий босқичида 8 турда 19 очко жамғариб, 2-ўринни эгаллаган эди. Плей-оффда каталонияликлар "Бенфика" ва "Боруссия"ни турнирдан чиқариб юборди, ярим финалда эса "Интер"га имкониятни бой берди.
