"Barselona"ning fransiyalik himoyachisi Jyul Kunde jamoaning Chempionlar ligasining o‘tgan mavsumidagi o‘yini haqida fikr bildirdi.
"Barselona"ning g‘alaba qozona olmagani muvaffaqiyatsizlik emas, ammo, albatta, bizning maqsadimiz - g‘alaba. Bu eng katta ishtiyoq uyg‘otadigan va juda muhim ahamiyatga ega turnir. Biz hammamiz g‘alaba haqida orzu qilamiz," - dedi Kunde klub TV efirida.
Eslatib o‘tamiz, "Barselona" o‘tgan mavsumda Chempionlar ligasining umumiy bosqichida 8 turda 19 ochko jamg‘arib, 2-o‘rinni egallagan edi. Pley-offda kataloniyaliklar "Benfika" va "Borussiya"ni turnirdan chiqarib yubordi, yarim finalda esa "Inter"ga imkoniyatni boy berdi.
