Лондоннинг "Арсенал" клуби сардори Мартин Эдегор 15 ёшли Макс Доумэннинг истиқболлари ҳақида гапирди.
Ёш ҳужумкор ярим ҳимоячи "канонирлар"нинг мавсумолди учрашувларида ажойиб ўйин кўрсатди. Катта эҳтимол билан, унинг расмий баҳслардаги дебюти ҳам яқин.
"Макс - топ-ўйинчи, топ-истеъдод. Ўйлайманки, мавсумолди ўйинларида унинг нималарга қодирлигини ҳамма кўрди. Унга ортиқча босим ўтказмоқчи эмасман, лекин биз шунчаки унга ўрганишда давом этиши, ўсиши ва ўзлигича қолиши учун вақт беришимиз керак. Унинг даражасини ҳамма кўриб турибди. Биз унга ёрдам беришимиз керак. Ишончим комилки, келажакда у бизга кўп фойда келтиради," - дея 15 ёшида катталар футболига қадам қўйган Эдегорнинг сўзларини келтиради Arsenal News Channel.
