Londonning "Arsenal" klubi sardori Martin Edegor 15 yoshli Maks Doumenning istiqbollari haqida gapirdi.

Yosh hujumkor yarim himoyachi "kanonirlar"ning mavsumoldi uchrashuvlarida ajoyib o‘yin ko‘rsatdi. Katta ehtimol bilan, uning rasmiy bahslardagi debyuti ham yaqin.

"Maks - top-o‘yinchi, top-iste’dod. O‘ylaymanki, mavsumoldi o‘yinlarida uning nimalarga qodirligini hamma ko‘rdi. Unga ortiqcha bosim o‘tkazmoqchi emasman, lekin biz shunchaki unga o‘rganishda davom etishi, o‘sishi va o‘zligicha qolishi uchun vaqt berishimiz kerak. Uning darajasini hamma ko‘rib turibdi. Biz unga yordam berishimiz kerak. Ishonchim komilki, kelajakda u bizga ko‘p foyda keltiradi," - deya 15 yoshida kattalar futboliga qadam qo‘ygan Edegorning so‘zlarini keltiradi Arsenal News Channel.