"Манчестер Сити" ҳужумчиси Омар Мармуш жамоа таркиби ҳақида гапирди.
"Шаҳарликлар" ўтган мавсумдаги муваффақиятсизликдан кейин трансфер бозорида янги харидлар амалга оширди. Бугун Хосеп Гвардиола жамоаси Премьер-лига 2-тури доирасида ўз майдонида "Тоттенхэм"га қарши баҳс олиб боради.
"Жамоамизда асосий таркиб учун соғлом рақобат бор - бу барчамиз учун жуда муҳим. Албатта, ким ўйнашидан қатъи назар, биз жамоа муваффақиятга эришишини истаймиз. Захирадан майдонга тушганингда 100% бор кучинг билан ҳаракат қиласан. Буларнинг барчаси янада кўпроқ машқ қилишга ундайди. Ҳар ким унинг ўрнига бошқа даъвогарлар борлигини билади ва бу ўзини такомиллаштиришга ундайди," - дея Мармушнинг сўзларини келтиради City Report.
