"Реал" бош мураббийи Хаби Алонсо ҳужумчи Родригонинг ҳолати ҳақидаги саволга жавоб берди.
"Мавсум энди бошланди, биз атиги битта ўйин ўтказдик. Ўйин ва таркиб бўйича барча қарорларни мен қабул қиламан - ёлғиз ўзим ва фақат ўзим. Футболчилар билан мулоқот қиламан, Родриго билан ҳам," - деди Алонсо матбуот анжуманида.
"Реал" навбатдаги ўйинини 24 август, якшанба куни "Реал Овьедо"га қарши ўтказади. Старт ҳуштаги Тошкент вақти билан 00:30 да янграйди.













