"Арсенал" кетма-кет иккинчи ўйинда бурчак тўпидан гол урди.
"Канонирлар" АПЛнинг 2-турида "Лидс"ни қабул қилмоқда (2:0, танаффус).
Ҳисоб 34-дақиқада бурчак тўпидан кейин тўпни боши билан дарвозага йўллаган Юрриен Тимбер томонидан очилди. Ўтган турда "Арсенал" "Манчестер Юнайтед"ни Риккардо Калафьори томонидан киритилган гол эвазига мағлуб этганди (1:0), у ҳам бурчакдан оширилган тўпдан кейин боши билан дарвозани ишғол қилганди.
2023/24 йилги мавсумдан бери Премьер-лигада ҳеч ким бурчак тўпидан "Арсенал"дан кўпроқ гол ургани йўқ - 32 та гол. Бу кўрсаткич бўйича иккинчи ўринда "Ливерпул" - 20 та гол.
