"Барселона" футболчиси Рафинья Диас Ла Лига 2-туридан ўрин олган "Леванте"га (3:2) қарши ўйиндан сўнг ўз фикрлари билан ўртоқлашди.

Бразилиялик футболчи голли узатмани амалга оширди ва "кўк-анорранглилар"га биринчи бўлимдаги муваффақиятсизликдан сўнг ўйинда бурилиш ясашга ёрдам берди.

"Бундай ўйинларда қийин бўлишини биламиз, аммо бундай ғалабалар чемпионлик олиб келишини ҳам биламиз. Кўпчилик ўйинларимизни ана шундай томоша учун, камбэк учун кўради. Жуда муҳим ғалаба. Охир-оқибат, қанча кўп очко тўпласак, чемпионлик учун курашиш имкониятимиз шунча юқори бўлади", - дея Рафиньянинг сўзларини келтирмоқда испан ОАВ.