Неймар жароҳати сабаб Бразилия терма жамоаси ўйинларини ўтказиб юбориши мумкин.

"Сантос" форварди жароҳат олди ва пайшанба куни машғулотларни муддатидан олдин тарк этди, дея хабар бермоқда Globo Esporte. Жума ва шанба кунлари ўйинчи фақат залда шуғулланган ва шу вақт давомида юриш пайтида оғриқдан шикоят қилган.

Таъкидланишича, "Сантос" Бразилия футбол конфедерациясига футболчининг сони ишиб кетгани ҳақида хабар берган. Карло Анчелотти душанба куни терма жамоанинг сентябрь ойида ЖЧ-2026 саралаши доирасида Чили ва Боливияга қарши ўйинлар учун таркибини эълон қилиши керак.

Шу билан бирга, у 31 август, якшанба куни "Флуминенсе"га қарши баҳсда майдонга тушиши эҳтимоли бор. Ҳужумчи ўйиндан олдин текширувдан ўтади.