"Челси" ҳужумчиси Николас Жексон "Бавария"нинг трансфер мақсадларидан бири ҳисобланади. Душанба куни Мюнхен гранди "кўклар" вакиллари билан сенегаллик бўйича музокаралар ўтказди, дея хабар бермоқда инсайдер Фабрицио Романо ўз ҳисоботида. Томонлар битим тузилишини муҳокама қилишди: катта эҳтимол билан "Бавария" форвардни сотиб олиш шарти билан ижарага олишга уриниб кўради.
Жексон учун пойгадан "Ньюкасл" ҳам четда қолгани йўқ, дея хабар бермоқда манба. 24 ёшли футболчининг трансфери мавзуси трансфер ойнасининг сўнгги кунларида энг кўп муҳокама қилинаётган мавзулардан бирига айланиши мумкин.
Маълумки, "Челси"да Николас Жексонга умид қилишмаяпти. Transfermarkt талқинига кўра, футболчининг нархи 50 млн еврога тенг.
