"Манчестер Юнайтед" ҳужумчиси Расмус Хёйлунд "Наполи"га ўтишга яқин турибди. Бироз аввалроқ маълум бўлишича, Италия клуби данияликни сотиб олиш шарти билан ижарага олмоқчи. Журналист Николо Скиранинг янгиланган маълумотларига кўра, "Наполи" келишув яқин 48 соат ичида якунланишига ишонмоқда.
Расмус Хёйлунднинг ижараси Италиянинг амалдаги чемпионларига 5 млн еврога тушади, сотиб олиш эса 40 млн. Манбанинг таъкидлашича, 22 ёшли футболчининг А Серия гранди билан бўлажак шартномаси 2030 йилгача мўлжалланган.
Хёйлунд 2023 йилдан бери "Манчестер Юнайтед" шарафини ҳимоя қилиб келмоқда - ўшанда "қизил иблислар" уни "Аталанта"дан қарийб 80 миллион евро эвазига сотиб олган эди.
