"Манчестер Юнайтед"нинг қанот ҳужумчиси Жэйдон Санчо фаолиятини Миланнинг "Интер" клубида давом эттириши мумкин. Бу ҳақда TEAMtalk хабар бермоқда.
Манбага кўра, миланликлар 25 ёшли инглиз учун курашга қўшилган. Айни пайтда Санчо "Манчестер Юнайтед"нинг асосий жамоасидан алоҳида шуғулланмоқда ва "Олд Траффорд"ни тарк этишни жуда хоҳламоқда.
Аввалроқ Санчони "Рома"га ўтиши билан боғлашганди, бироқ футболчининг ўзи Рим клубига ўтишни истамади.













