"Тоттенхэм" ёзги трансфер ойнасининг сўнгги кунларида ҳужум чизиғини кучайтиришга умид қилмоқда. Лондон клуби "Манчестер Сити" вингери Савиога фаол қизиқиш билдирмоқда.
Нуфузли инсайдер Фабрицио Романонинг ижтимоий тармоқларда маълум қилишича, чоршанба куни "Манчестер Сити" "Тоттенхэм"га клубнинг Савио бўйича позицияси ўзгармаётганини маълум қилган. "Шаҳарликлар" 21 ёшли бразилияликни 70 миллион евродан юқори таклиф бўлса ҳам қўйиб юбормайди. "Сити" Савиони мавсум ва келажак учун асосий ўйинчи деб ҳисобламоқда.
Романонинг таъкидлашича, "Манчестер Сити"нинг Савио бўйича бундай позицияси Родригонинг "Реал"дан трансферини истисно қилади.
