"Барселона" ҳужумчиси Роберт Левандовскига Саудия Арабистони чемпионати вакиллари қизиқишда давом этмоқда.

Яқинда польшалик 37 ёшга тўлди ва жорий мавсум унинг учун "кўк-анорранглилар" таркибидаги сўнггиси бўлиши мумкин. Юлдузли фахрий ёзда ҳам кетиши мумкин эди: Transfer News Live нашрининг El Nacional’га таяниб хабар беришича, форвард Саудия Арабистони клубларидан иккита катта таклиф олган - иккала ҳолатда ҳам гап футболчининг маошини икки баравар ошириш ҳақида борган.

Роберт Левандовски жорий трансфер ойнасида "Барселона"ни тарк этиши даргумон. Унинг шартномаси келаси йилнинг ўрталарида тугайди, аммо автоматик равишда яна бир мавсумга узайтирилиши мумкин.