Франциянинг "ПСЖ" клуби дарвозабони Арнау Тенас клубини ўзгартиришга яқин турибди. Инсайдер Фабрицио Романонинг ижтимоий тармоқлар орқали маълум қилишича, дарвозабоннинг янги иш жойи Испаниянинг "Вильярреал" клуби бўлади.

Клублар муваффақиятли музокаралар олиб боришди ва битим шартларини келишиб олишди. 24 ёшли дарвозабоннинг трансфери икки ярим миллион еврога баҳоланмоқда.

Тенас Париж грандининг захира дарвозабони ҳисобланади. Ўтган мавсумда испаниялик атиги иккита ўйинда иштирок этди. Унинг Франция чемпиони билан меҳнат шартномаси 2026 йилнинг июнь ойи охиригача мўлжалланган. Бозор нархи уч миллион еврони ташкил этади.