38 ёшли аргентиналик ҳужумчи Лионель Месси тўп тепаётган "Интер Майами" Лигалар кубоги финалида ўйнайди. Ярим финалда Хавьер Маскерано жамоаси "Орландо Сити" устидан 3:1 ҳисобида ғалаба қозонди.
Турнирнинг ҳал қилувчи баҳсида "Интер Майами" ва АҚШнинг бошқа бир жамоаси - "Сиэтл Саундерс" ўзаро куч синашади. Ушбу клуб 1/2 финал босқичида "Лос-Анжелес Гэлакси"ни енгди (2:0).
Лигалар кубогининг финал баҳси 31 август, якшанба куни Сиэтлдаги стадионда бўлиб ўтади.
Месси 2023 йил ёзидан бери Флорида жамоаси шарафини ҳимоя қилмоқда. Томонлар ўртасидаги амалдаги шартнома муддати 2025 йил декабрь ойи охирида тугайди.
