Месси ҳали ҳам ЖЧ-2026да иштирок этиши борасида бир қарорга келгани йўқ.

Ole нашрининг маълум қилишича, ҳозирча аргентиналик футболчининг жаҳон чемпионатида майдонга тушишига 100 фоиз кафолат йўқ. Месси ҳозирда 5 сентябрь куни бўлиб ўтадиган жаҳон чемпионати саралашида Венесуэлага қарши ўйинда иштирок этишни мақсад қилган.

38 ёшли футболчининг атрофидагилар терма жамоадан кетиш каби қарорлар босқичма-босқич қабул қилинишига ишора қилишди.

"Қарор жуда шахсий бўлади ва у буни керак деб билганида қабул қилади," - дейишди унинг атрофидагилар.

Ҳозирча барчаси Мессининг турнирда иштирок этишига ишора қилмоқда. Бунга Аргентина бош мураббийи Лионель Скалони ва ФИФА президенти Жанни Инфантино амин. Бундан ташқари, буни АҚШ президенти Дональд Трамп ҳам хоҳламоқда.