"Ньюкасл" "Барселона" ярим ҳимоячиси Фермин Лопес учун "Челси" билан курашмоқчи. "Қарғалар" трансфер ойнасининг сўнгги кунларида жиддий кучайишни режалаштирмоқда - керакли келишувларни амалга ошириш учун улар ва-банкка боришади: масалан, журналист Хосе Алваресга ишонадиган бўлсак, инглиз клуби Лопес бўйича 100 млн евролик таклиф тайёрламоқда. 22 ёшли хавбекнинг ўзига эса ҳозирги маошидан 4 баробар кўп маош таклиф қилинади.
Аввалроқ, "Барселона" Фермин Лопесни сотишни истамаётгани, футболчи ҳам Каталония гранди сафини тарк этишни истамаётгани ҳақида хабарлар тарқалган эди. Transfermarkt сайтида футболчининг тахминий нархи 50 млн еврони ташкил этади.
