"Челси" "Барселона" ярим ҳимоячиси Фермин Лопес трансфери устида ишлашда давом этмоқда.
"Кўк-анорранглилар" молиявий қийинчиликларга қарамай, 22 ёшли футболчини қўйиб юбормоқчи эмас, хавбекнинг ўзи ҳам қолишни режалаштирмоқда. Журналист Ферран Мартинеснинг ёзишича, "Челси" таслим бўлмаяпти: лондонликлар қатъиятли ва фойдали таклиф футболчининг фикрини ўзгартиришга ёрдам беришига ишонмоқда. Испаниялик футболчининг маоши ҳозиргидан анча ошиши, шунингдек, Энцо Маресканинг узоқ муддатли лойиҳасида муҳим роль ўйнаши ваъда қилинмоқда.
Transfermarkt портали Фермин Лопеснинг нархини 50 млн еврога баҳоламоқда. Миш-мишларга ишонадиган бўлсак, "Барселона" анча кўпроқ - тахминан 90 млн евро сўрамоқда.
