"Ливерпуль" бош мураббийи Арне Слот Лондоннинг "Арсенал" клубига қарши ўйин ҳақида фикр билдирди.
"Биз ўтган мавсумда ҳам яхши бўлган, ёзда эса янада кучлироқ бўлган кучли жамоа билан ўйнашимиз керак. Улар исталган услубда ўйнай олади ва бу Микель Артета уларни қанчалик яхши бошқараётганини кўрсатади," - деди Слот матбуот анжуманида.
Мутахассиснинг таъкидлашича, стандарт вазиятлар "Арсенал"нинг кучли томонларидан бири ҳисобланади. Шу билан бирга, мураббийнинг қўшимча қилишича, "Ньюкасл" билан сўнгги ўйинда унинг жамоаси стандартдан кейин икки марта гол ўтказиб юборган, шунинг учун бу компонент устида ишлаш керак.
