"Liverpul" bosh murabbiyi Arne Slot Londonning "Arsenal" klubiga qarshi o‘yin haqida fikr bildirdi.
"Biz o‘tgan mavsumda ham yaxshi bo‘lgan, yozda esa yanada kuchliroq bo‘lgan kuchli jamoa bilan o‘ynashimiz kerak. Ular istalgan uslubda o‘ynay oladi va bu Mikel Arteta ularni qanchalik yaxshi boshqarayotganini ko‘rsatadi," - dedi Slot matbuot anjumanida.
Mutaxassisning ta’kidlashicha, standart vaziyatlar "Arsenal"ning kuchli tomonlaridan biri hisoblanadi. Shu bilan birga, murabbiyning qo‘shimcha qilishicha, "Nyukasl" bilan so‘nggi o‘yinda uning jamoasi standartdan keyin ikki marta gol o‘tkazib yuborgan, shuning uchun bu komponent ustida ishlash kerak.
