Венсан Компани футболчиларнинг Бундеслигадан АПЛга ўтиши ҳақида гапирди.
"Бавария" бош мураббийи нега кўплаб футболчилар Бундеслигадан АПЛга ўтаётгани ҳақидаги саволга жавоб берди.
"Пул (кулади). "Бёрнли" билан Чемпионшипдан АПЛга чиққанимизда, бизга телевизион ҳуқуқлар учун пул келди ва бу пуллар АПЛга чиққан жамоалар учун 100 миллион еврони ташкил этади.
Бюджет 25-30 млн евродан 120-130 млн еврога ошади. Бундай пуллар билан Бундеслигада топ-6 учун курашиш мумкин.
"Бёрнли"да биз бозорда "Айнтрахт" ва "Вольфсбург" билан рақобатлашдик. Энди эса "Сандерленд" "Байер"дан футболчи сотиб олиб, "Милан" билан рақобатлашмоқда.
Молиявий реаллик шундай," - деди Венсан Компани.
Аввалроқ, Ник Вольтемаде "Штутгарт"дан 85+5 миллион евро эвазига "Ньюкасл"га ўтаётгани маълум бўлганди.













