Микель Артета Букайо Сака жароҳати туфайли бир неча ҳафтани ўтказиб юборишини маълум қилди.

Букайо Сака ва Мартин Эдегор АПЛнинг ўтган турида "Лидс"га қарши ўйинда (5:0) жароҳат олишганди.

31 август куни "Арсенал" сафарда "Ливерпуль"га қарши баҳс олиб боради.

"Букайо Сака ўзини яхши ҳис қилмоқда, аммо афсуски, у бир неча ҳафтага сафдан чиқди. Операцияга ҳожат йўқ. Ҳаммаси ўтган сафаргидек ёмон эмас.

Албатта, унинг жароҳат олгани жуда ачинарли. Яқин кунлар ва ҳафталарда у ўзини қандай ҳис қилишини кўрамиз.

Мартин Эдегор ҳали машқ қилгани йўқ, бошласа, эртага бошлайди. Кўрамиз. У қўлидан келган ҳамма ишни қилади. У ["Ливерпуль"га қарши ўйинга] тайёр бўлиши учун қўлимиздан келганини қиляпмиз," - деди "Арсенал" бош мураббийи Микель Артета.