"Вест Хэм" "Астон Вилла"дан ҳужумкор ярим ҳимоячи Лукас Пакета бўйича таклиф олди.
"Виллан" ёзги трансферлар ойнаси ёпилгунга қадар бразилиялик футболчи билан кучайишни истамоқда. Инглиз ОАВ маълумотига кўра, Бирмингем клуби Пакетани 5 млн фунт стерлингга (5,8 млн евро) ижарага олмоқчи ва 45 млн фунтга (52 млн евро) сотиб олиш мажбуриятини қўшмоқчи. "Болғачилар" дарҳол сотишни афзал кўришади, келишувга ҳали ҳам эришилмаган.
Аввалроқ, шу ойда Лукас Пакета "Вест Хэм"ни тарк этишга тайёрлиги ҳақида хабарлар тарқалган эди. 27 август куни футболчи 28 ёшга тўлди. Жорий мавсумда у учта ўйинда иккита гол уришга муваффақ бўлди.













