"Челси" ҳамон "Барселона" ярим ҳимоячиси Фермин Лопесни сотиб олиш фикридан қайтгани йўқ. Жума куни лондонликлар яна 22 ёшли футболчининг агентлари билан тўғридан-тўғри боғланиб, унинг режалари ҳақида сўрашди.

"Барса"да Лопеснинг қолиши тахмин қилинмоқда, аммо "кўклар" ҳали таслим бўлгани йўқ. Инсайдер Фабрицио Романонинг таъкидлашича, ҳар икки клуб ҳам хавбекнинг келажаги борасида якуний қарорга келишини кутмоқда. Испания ОАВлари Фермин жума куни вазиятга ойдинлик киритиш ниятида экани ҳақида хабар берди, бироқ бундай бўлмади. Эҳтимол, шанба куни аниқроқ маълумотлар пайдо бўлади.

Фермин Лопеснинг Transfermarkt порталидаги нархи 50 млн еврога баҳоланмоқда.