"Ливерпуль" бош мураббийи Арне Слот "Арсенал" ярим ҳимоячиси Мартин Субименди ҳақида қандай фикрда эканини айтди.

Испаниялик футболчи жорий трансфер ойнасида "канонирлар" сафини тўлдирди. Бир йил аввал хавбекни "Ливерпуль" ўз сафига қўшиб олишга уринган, бироқ футболчи "Реал Сосьедад"да яна бир мавсум қолишни маъқул кўрганди.

"Субимендида бизга айниқса унинг тўп билан ажойиб тарзда муомала қилиши, ўйинни қандай тушуниши ёқарди. У бизга мос келарди. Аммо биз бу фазилатларнинг барчасини Райан Гравенберхдан топишга муваффақ бўлдик," - дея Слотнинг сўзларини келтиради журналист Люис Стиль.