Португалиялик машҳур собиқ футболчи Луиш Фигу Килиан Мбаппе ва Роналдони таққослаш ҳақида гапирди.
Французни кўпинча ўз вақтида "қаймоқранглилар" шарафини ҳимоя қилган бразилиялик билан солиштиришади.
"Мбаппе нимаси биландир Роналдога ўхшайди, бироқ бу унчалик ҳам тўғри ўхшатиш эмас деб ўйлайман. Мбаппенинг ўзига хос жиҳатлари бор: у жуда истеъдодли, тезкор, кўп гол уради. У куч ва тезлик, рақиб дарвозаси олдидаги хавф борасида Роналдога ўхшайди, аммо биз уларни таққослашимиз керак деб ўйламайман," - дея "қироллик клуби"да ўйнаган Фигунинг сўзларини келтиради Madrid Zone.
Килиан Мбаппе ўтган йилнинг ёзида "Реал"га ўтган эди.
