"Манчестер Сити" бош мураббийи Пеп Гвардиола Чемпионлар лигаси умумий босқичида "Этихад" стадионига "Наполи" ва "Галатасарой" клубларининг ташриф буюриши ҳақида фикр билдирди.
"Де Брюйне ва Саненинг бу ерга қайтишидан жуда хурсандман, аммо, албатта, уларнинг жамоалари - "Наполи" ва "Галатасарой"ни мағлуб этишимиз керак. Шу билан бирга, де Брюйне ва Саненинг қайтишини кўриш ёқимли бўлади. Биз уларни илиқ кутиб олишимиз мумкин, ахир улар бунга лойиқ," - деди Гвардиола матбуот анжуманида.
"Манчестер Сити" навбатдаги ўйинини 31 август куни АПЛ доирасида "Брайтон"га қарши ўтказади.
