"Тобол" клуби директори Сержан Сейткозинов ўзбекистонлик футболчи Шаҳбоз Умаров билан кутилмаган ҳолда шартнома тузилишига изоҳ берди.
"Бу таркибимизда жароҳатланган футболчилар сони кўплиги билан боғлиқ. Шаҳбоз билан музокаралар қийин кечдими? Йўқ, уларни узоқ давом эттирмадик", — деди Сейткозинов.
Эслатиб ўтамиз, ҳужумчи мавсумнинг биринчи ярмини "Турон"да ўтказди ва 11 ўйинда 4 та самарали ҳаракат (гол ёки ассист)га муаллифлик қилди.













