«Манчестер Сити» бош мураббийи Пеп Гвардиоладан жамоанинг ўйин услуби ўзгарган-ўзгармагани ҳақида сўрашди.

«Ҳа, 18 та совринни қўлга киритгандан кейин услубимни албатта ўзгартираман. Премьер-лигада тўрт йил кетма-кет ғолиб чиққанимдан кейин жамоаларим қандай ўйнаши кераклиги ҳақидаги фалсафамни ўзгартириб юборишим керак, тўғрими?.. Йўқ, ҳеч қачон ўзгармайман!

Агар биз рақиб майдонида тўпни юқоридан қайтариб олсак, тезкор ҳужум қилишни хоҳлайман. Агар рақиб юқори прессинг қилса, бирга-бир ўйнаса ва биз биринчи босим тўлқинидан чиқиб олсак – шунда ҳам тезкор ҳужум қилишни хоҳлайман. Лекин кейин... мен тўпни минглаб зерикарли узатмалар билан айлантиришни жуда яхши кўраман. Мен бундан завқ оламан.

Мен жамоамнинг тўпни назорат қилишини, ўйнашини, пас беришини яхши кўраман. Лекин баъзи вазиятларда тезкор ҳужум қилиш ҳам керак. Биз буни биринчи кунданоқ қиламиз: Лерой Сане ва Раҳим Стерлинг машинадек югурарди, биз жуда тезкор ҳужум қилардик...» – деди Гвардиола.