"Челси"нинг ўнг қанот ҳимоячиси Жош Ачимпонгга "Бавария" қизиқмоқда. Мюнхенликлар "кўклар" форварди Николас Жексонни ўз сафига қўшиб олишга яқин эди, аммо инглиз клуби сўнгги паллада Лиам Делапнинг жароҳати туфайли шартномани бекор қилди. Журналист Жейкоб Стейнбергнинг ёзишича, энди "Бавария" лондонликларнинг бошқа бир футболчиси - Ачимпонгни нишонга олган. Германия чемпиони 19 ёшли футболчини кейинчалик сотиб олиш шарти билан ижарага олиш ҳақида ўйламоқда, аммо "Челси" келажакдаги тарбияланувчисини сақлаб қолишга қатъий қарор қилган.

Transfermarkt портали Жош Ачимпонгнинг нархини 8 млн еврога баҳоламоқда, унинг амалдаги шартномаси 2029 йилнинг ярмигача мўлжалланган.