Англиянинг "Ноттингем Форест" клуби ярим ҳимоячиси Каллум Хадсон-Одои жамоа билан янги шартнома имзолади. Тегишли хабар "ўрмончилар"нинг расмий сайтида пайдо бўлди.
Бозор нархи 25 миллион еврога баҳоланаётган 24 ёшли инглиз 2028 йилгача мўлжалланган шартномага имзо чекди. У 2024/25 йилги мавсум якунларига кўра еврокубокларга йўлланма олган жамоада муҳим роль ўйнади, чемпионатда 31 та ўйинда (5 гол, 3 голли узатма) майдонга тушди ва бу унинг АПЛда бир мавсумда энг кўп ўйин ўтказиши бўлди.
Ҳар икки қанотда ҳаракат қилган Хадсон-Одои мавсум давомида муҳим вазиятлар яратди, улар орасида "Манчестер Сити" ва "Ливерпуль" дарвозасига урилган голлар алоҳида ажралиб туради.
