"Манчестер Юнайтед" яна "Астон Вилла"нинг аргентиналик дарвозабони Эмилиано Мартинесни қўлга киритишга уриниб кўради. Бу ҳақда инсайдер Фабрицио Романо ўз ижтимоий тармоқларида маълум қилди.
Манбага кўра, "Антверпен"нинг бельгиялик дарвозабони Сенне Ламменс трансфери бўйича музокаралар ҳали давом этмоқда ва трансфер ойнасининг энг сўнгги кунида келишув барбод бўлиши мумкин.
Transfermarkt портали томонидан 20 миллион еврога баҳоланган Мартинес 2020 йилдан буён "Астон Вилла" шарафини ҳимоя қилиб келмоқда. Бу вақт ичида амалдаги жаҳон чемпиони 213 та ўйинда майдонга тушди (70 марта дарвозасини дахлсиз сақлаб қолган) ва 257 та гол ўтказиб юборди.
