"Атлетик" сафарда Испания чемпионатининг 3-турида "Бетис"ни мағлуб этди - 2:1.
60-дақиқада меҳмонлар Марк Бартранинг автоголи эвазига олдинга ўтиб олди. 85-дақиқада Аитор Паредес "қизил-оқлар"нинг иккинчи голига муаллифлик қилган бўлса, ҳакам томонидан қўшиб берилган дақиқаларда Седрик Бакамбу мезбонларнинг битта голига муаллифлик қилди.
"Атлетик" Ла Лига мавсуми стартидаги учта ўйиннинг барчасида ғалаба қозонди ва 9 очко билан қўшимча кўрсаткичлар бўйича "Реал"дан (9 та) ортда қолиб, турнир жадвалида иккинчи ўринда бормоқда. "Бетис" 5 очко билан саккизинчи ўринга тушиб кетди.
