Туриннинг "Ювентус" клуби устози Игор Тудор Италия чемпионатининг 2-туридан ўрин олган Генуянинг "Женоа" клубига қарши баҳсда минимал ҳисобда ғалаба қозонгани ҳақида гапирди. "Кекса синьора" 1:0 ҳисобида ғалаба қозонди, ягона голни ҳужумчи Душан Влахович киритди.
"Жамоамдан мамнунман. Йигитларим бу ўйинда ғайратга тўла эди. Бу ўйинда рақибга бирор жабҳада бўш келмай, ўзимизникини олишимиз керак эди. Влахович? У қолади, мен бундан хурсандман. Бу жуда яхши форвард," - дея изоҳ берди мутахассис матбуот анжуманида.
Италия чемпионатининг навбатдаги турида Турин клуби ўз майдонида Миланнинг "Интер" клубига қарши баҳс олиб боради. Ўйин 13 сентябрь куни бўлиб ўтади.
