Испаниялик мутахассис ва Marca журналисти Алехандро Родригес "Реал" "Қайрат"га қарши ўйинда тўлиқ ротациядан фойдаланмаслигини кутмоқда. Жамоалар Чемпионлар лигасининг умумий босқичи иккинчи турида тўқнаш келишади.

"Ишончим комилки, "Реал" асосий таркибда ўйнайди. Албатта, захирадаги футболчилар ҳам майдонга тушади, лекин тақвимни ҳам инобатга олиш керак. Ишонч билан айтаманки, Олмаота юлдуз футболчиларни кўради.

"Қаймоқранглилар" учун ЕЧЛ қуръаси осон бўлмади. Ягона яхши томони шундаки, улар энг кучли рақибларни ўз уйларида қабул қилишади. "Қайрат"? Аслида, биз у ҳақида кўп нарса билмаймиз - бу шунчаки экзотика қўшадиган энг заиф клуб. "Реал"ни парвоз кўпроқ хавотирга солмоқда, - деди Родригес.

Эслатиб ўтамиз, "қора-сариқ"лардан ташқари мадридликлар "Манчестер Сити", "Ливерпуль", "Ювентус" ва бошқа грандларга қарши ҳам ўйнайди.