"Барселона" навбатдаги уй ўйинини "Камп Ноу"да ўтказишга рухсат олишга умид қилмоқда. Бу ҳақда Sport.es сайти хабар бермоқда.
Жамоа тарихий воқеани бошдан кечиришга тайёрланмоқда: икки йиллик қурилиш ишларидан сўнг ўз стадионига қайтиш. Манба маълумотларига кўра, "Барселона" вакиллари яқин кунларда барча зарур рухсатномаларни олиб, 14 сентябрь куни "Валенсия"ни янгиланган майдонда қабул қилишига ишонч билдирмоқда.
Энг ёмон ҳолда, "Камп Ноу"нинг очилиши бир ҳафтага қолдирилади. 21 сентябрь куни "Барселона" "Хетафе" билан учрашади.
Дастлаб томошабинлар учун фақат 27 минг ўрин мавжуд бўлади. Қурувчиларнинг сўнгги ишлари якунланиши билан томошабинлар сони аста-секин кўпайиб боради.
